美男廚房之吉列雞扒便當

又到美男廚房時間, 今集大少示範吉列雞扒便當.

雞胸肉腌好後沾上麵粉, 再上蛋漿, 最後沾上麵包糠.

落鑊半煎炸至金黃色和雞肉熟透, 記得睇火呀, 麵包糠好易燶.

最後擺盆裝飾.

這就是大少一手一腳做的便當.  

這份便當只適合細胃口或怕肥的人, 正如我.  這份真的是我星期六的午餐, 哥哥自己整完都唔食, 因為雞胸肉唔岩佢.

哥哥下星期家政堂要整便當, 要自己設計和帶材料, 老師只講明要帶75g雞胸肉, 煮好的白飯和菜, 材料點處理就自由發揮, 但之後老師會評分. 哥哥決定要炸雞扒, 烚西蘭花(當日家裏只有椰菜花), 沙律和紫菜飯卷.  紫菜飯卷裏面只是白飯, 我話不如就咁白飯, 佢話就咁白飯太單調喎.

我諗到時我會預備青瓜俾佢代替生菜, 再加啲粟米, 顏色會好睇啲.  然後再唧少少沙律醬喺雞扒旁, 雞扒點沙律醬好味啲.

哥哥煮嘢進步了, 煎雞扒時都好稳, 慢慢放塊扒落鑊, 以前佢煎嘢會成件掟落鑊, 嚇死人.

唯一擔心到時佢唔識睇火煎燶塊扒.

依家哥哥可以自己煮到有菜有肉有飯的一餐, 等人煮嘢俾我食的日子指日可待了, 哈哈哈哈哈!