九唔搭八的中韓混合晚餐

每逢星期六、日的午、晚餐都由我出主意, 盡量煮些平時姐姐不會煮的, 因為週一至五食姐姐煮的都已經好厭。

但我每次都會拖到最後一分鐘才會拿定主意, 然後臨急臨忙去摷冰箱或去超市買, 所以永遠唔會有周詳的計劃.  有時候朋友話下次煮乜乜乜時叫她, 她想跟我學做. 但真的不好意思, 不是我不教, 只是我從來都是臨時, 很難一早約定.

星期日返完教會, 三點才回到家, 姐姐已經問晚餐要煮什麼.

問三仔爺想食乜, 又沒人有主意.

終於四點半突然想起生煎包, 好, 就煮生煎包.  解凍豬肉, 才發現家裏沒適合做饀的菜, 又撲去超市買.

皮搓好, 饀預備好, 開始包時才記起其實我不會包中式包的.  試了幾個後, 仍然無辦法包到一摺摺的, 最後求其捏埋收口就算.  邊包邊駡自己: 明明已經攰到飛起, 仲攪咁多花臣, 攞苦嚟辛!

好彩最尾生煎包除了樣衰點外, 都好成功, 囝囝們食唔停口, 猛讚好味.

包面幾樣衰

倒扣上碟就靚得多, 三仔爺一見到就好興奮, 他們最愛食香口嘢.

我和Daddy都鐘意每餐都有湯水, 所以這餐都煮個簡易的韓式海帶青口湯, 囝囝們最愛這款湯, 每次都飲好多. 如果用蜆來煮就更鮮味, 不過買不到蜆, 用急冰青口.

只有生煎包怕不夠, 想起廚櫃裏有包放了很久的紅薯粉條, 用韓式炒粉絲的煮法來煮. 材料有豬頸肉, 鮮蝦, 雲耳, 青瓜和紅蘿蔔, 總之雪櫃有乜就放乜.  調味跟足韓式做法, 味道好正, 勁香麻油味.

九唔搭八的一餐, 但個個邊食邊嗌好味, 食到捧住個肚.

生煎包食譜