天山雪蓮果排骨湯

自從去年搬屋後，在附近超市發現有一樣叫天山雪蓮果的東西，架上貼着一張簡介，我沒仔細讀，大概是說有益。這東西以前未見過，形狀像蕃薯，也不知道要來怎麼煮，所以一直都沒買過。

上星期買餸時，想買瓜類來煲湯，但來來去去節瓜，老黃瓜好像很悶，剛來眼晴瞄到一個天山雪蓮果，就買一個回家試試。

上網查一下，原來這真是很有益，具有清涼退火，清熱解毒，健胃整腸軟化血管的保健作用，含蛋白質，藻角質，氯基酸，具有祛痰，抗菌活血，降血壓的功效。

這果原產於南美安第斯山，英文名叫Yacon.
網上說可以削皮後直接當生果吃，鮮甜爽脆，亦可榨汁飲，還可以切絲炒和煲湯。
我今次用來煲排骨湯，配料有紅蘿蔔，蓮子，茨實，淮山和果皮，湯真的很清甜。本來我叫姐姐加蜜棗來煲，但姐姐煲前切了一點來生吃，覺得本身已經好甜，所以就將蜜棗抽起。姐姐說生吃有點像白蘿蔔的口感，但比白蘿蔔甜和多汁。下次我要再買來榨汁飲，應該會好好味。

未完的故事 - 預告篇

今年主給了我一個新挑戰, 讓我參演一個音樂劇. 
每星期日都會和詩班上台獻詩, 上台唱歌是平常事. 
演戲嘛, 讀書時也曾參加過業餘電影, 算是有過經驗.
但又唱又演, 可是第一次哩.
今年在誤打誤撞下(當然是神的美意), 在<<未完的做事>>中軋上一角, 雖然是個小角色, 但也需要花很多時間去排練, 所以最近都很忙, 但能用音樂服事神也是值得的.
在新加坡的blog 友們, 誠邀你們在受難節的長假期來欣賞<<未完的故事>>音樂劇,
 此劇將會一連三晚在三個不同地點上演, 全部歌曲都很悅耳的, 入場免費, 不過座位有限, 最好早點到場.

在新加坡很少有機會能看到廣東話演出的, 不容錯過啊, 希望你們來捧場.

Club Med Bintan 完結篇

終於寫到完結篇了.

第四日朝早仍然陽光普照, 太好了.

今日早餐全家都狂食蛋, 哥哥又奄列又荷包蛋.

Club Med Bintan 第三日

第三日, 繼續飲, 食, hea.

我們的房在Block D, 一開房門就是室外走廊.

早餐的食物每日都差唔多, 冇咩變化.  我唔想食太油膩的, 日式最啱我.

Club Med Bintan 第二日

原來現在yblog每篇可以post多過廿張相, 咁就唔駛分上下集寫了.

第二日一早起身，Daddy就叫哥哥温書。好可憐呀，放假仍要温書，但冇法啦，今個星期又有測驗嘛。

温完書先去食早餐。其實每日早餐都變化不大，選擇係算多，但都幾悶。 下面兩張就係我當日早餐。

Club Med Bintan 第一日(下)

 玩完carrom後仍然落住毛毛雨, 加上當日要早起身出發, 所以就返房午睡片刻.

哥哥瞓一個鐘就醒了, 開始覺肚餓, 就帶佢去Terrace Restaurant食下午茶, Daddy 就留喺房陪細佬繼續瞓.

Club Med Bintan只有兩間餐廳, 主餐廳叫Waterfall, 提供早, 午, 晚自助餐.  主餐外的時間如果想食嘢, 就可以嚟Terrace, 日間亦是自助式, 有各式沙律, 簡單的薯條, 雞扒, 腸仔, 公仔麵, 意粉, 蛋糕, 麵包, 曲奇, 芝士, 生果之類, 質素一般, 但勝在選擇算多. 這餐廳是沒冷氣的, 有雀仔飛來飛去, 見過有雀仔飛到碟餅乾上面, 所以我只選熱食, 因為有廚師守在熱盆區, 雀仔唔敢飛過去. 

Club Med Bintan 第一日(上)

我番嚟喇!  民島之旅話咁快就完了.今次玩得好開心, 影咗好多相, 所以要分好多篇先可以寫完.上星期三起程時居然落大雨, 又遇着朝早上班繁忙時段, call 唔到的士, 幾驚趕唔切check-in.  最後我當機立斷, 叫Daddy開車去將車泊喺Tenah Merah Ferry Terminal, 另外叫姐姐將後備車匙交俾好友們, 再拜託好友們去ferry terminal攞車.  感謝主, 雖然過程有點驚險, 但主為我們開路, 居然highway暢通無阻, 我哋都順利準時check-in, 我哋的車亦安全地被駕返屋企樓下停車場.因為之前領教過Bintan那邊的出入境廳的擠迫和混亂, 今次又冇姐姐同行幫手, 想舒服啲, 就upgrade 了坐emerald class, 即商務位.  大人加多S$21一程, 小朋友S$13一程, 唔算貴, 但方便好多.信用咭款的那張就是boarding pass 了, 上船時要好似搭地鐡咁將呢張咭拍喺部機度, 之後就會收番, 所以想留念的, 記得上船前先影低.

獅子頭

想整獅子頭好耐好耐, 但又唔想炸嘢, 所以從來未煮過.
上星期見雀后煮了清燉獅子頭, 又心思思想整.
好吧, 去賣娃娃菜和豬碎肉, 開工!
肉丸沒加馬蹄, 蔥粒和冬菇, 怕囝囝哋會唔食.  自從有了KA, 攪肉的步驟都由它代勞, 慳番好多力, 又快.
今次成煲都是我一手一腳包辦, 包括雞手鴨腳地炸肉丸, 姐姐在旁陰陰咀笑, 但我仍堅持自己炸.  蒸炒煮焗我都識, 炸嘢我一定要學好!
姐姐又太快手, 我未講佢已經洗好晒仲撕開晒一片片.  本來已經多菜, 再撕成一片片就好難排得到入煲, 要出動我的27cm LC煲才放得下.
肉丸我搓成細的, 方便囝囝們食.  或者是肉丸太細和肉太瘦, 出來有點乾, 但湯和菜都好好味.  但點解我煮了未夠半個鐘, 菜變成墨綠色, 而雀后的燉了半個鐘仍然顏色咁靚?

我正在度假中, 留言要遲啲才覆.

日式燒汁三文魚頭

你哋睇到呢篇時, 我已經在印尼Bintan享受緊陽光與海灘了. 如果有時間的話, 我會寫定些少存貨.

上星期煮了梅菜蒸魚頭, 美國的妹妹看到恨到流口水.   為了她, 我上網揾大魚的英文名, 或者她可以在那裏買到.  原來大魚的正確名稱是鱅魚, 英文是bighead carp, 學名是 Aristichthys.  順帶一提, 大魚在新加坡叫松魚 (Song fish).  可惜, 再查一查, 原來大魚從2010年開始已經被禁入口美國, 因為這魚長得快, 食得多, 威脅當地的本土魚, 所以知道英文名都冇用, 都應該買唔到.

不過妹妹說可以買到三文魚頭, 買我點煮.  三文魚頭較腥, 我唔唔建議蒸, 所以都會係用紅燒.這就煮給妹妹睇的日式燒汁煮三文魚頭, 汁帶微甜, 好味.  囝囝們也喜歡, 不過我要先拆骨才給他們吃.

食譜:

牛腱兩食 (附做法)

今日是這星期最後一日返工了, 明早就度假去了, 呵呵呵!!!
這次我們去民丹島(Bintan Island) 的Club Med, 四日三夜, 星期六才會回來, 所以留言要遲些再覆.
自從發現了Clementi Central的街市有新鮮牛肉賣後, 煮牛的式就方便多了.  雖然在家附近, 但每日只開到中午, 所以只有星期六才會去, 每次總會買多些存在冰箱, 想食時隨時可以煮.
這是姐姐亂亂煮的牛腱湯, 加上生芽菜, 超好味, 很有越南牛肉粉的味道, 只少了basil 和酸柑而已.

做法也很簡單:

親子時間

三月

term break剛開始了, 終於可以鬆口氣, 不用每天督促温習. 上星期四是哥哥學校的家長日, 見家長時間是按照學生登記號碼安排的. 每年都被安排在11.30-12.00 的時段, 總是要我們請半日假.因為是家長日, 所以哥哥就可以提前開始term break了.  難得我們放半日, 就帶囝囝出去食早餐, 來點親子時間.但這裏沒有像香港之類的茶餐廳可以食早餐, 兜兜轉轉的, 最後去了Fong Seng食椰漿飯.  這店在大學旁, 當年讀大學時也常來的.  這餐就是我和Dadyy當天的早午餐了, 但囝囝並不太享受, 他以為可以去食麥記.

走往停車場的途中, 見到怕醜草(含羞草), 囝囝第一次玩, 好興奮.

Yummy purple

紫色非我最愛的顏色, 紫色的衣服一定不是我的首選.
唯有紫色蕃薯讓我牽腸掛肚, 奈何它總是芳踪沓然, 總要我等了又等才肯出現. 
最近又發現了它的芳踪, 立時捧了1kg回家.
先做了十七小時紫蕃薯麵包, 淡紫色的外表, 煞是漂亮.  只怪我用了蛋黃(做戚風剩下的)掃面, 所以包包上面的顏色不均勻.

好餸星期六

過去週末好開心, 因為有時間煮飯仔和焗麵包和蛋糕.
太耐冇煮, 已經好手痕.
上星期見雀后整鹽焗雞脾, 星期六就即刻去街市買幾隻雞脾準備照辦煮碗.  但在昇鬆見到好新鮮的大魚頭, 忍唔住買一個回家, 見到靚蜆又買了.
咁啱Daddy星期六晚有約出街食, 啱晒可以整佢唔食的魚頭. 
最後決定擱置整鹽焗雞脾計劃, 換成梅菜蒸大魚頭和粉絲蒸蜆.  魚頭囝囝哋唔啱食, 另外煮兩隻雞脾, 但只為了兩隻雞脾開爐焗好似好嘥電, 索性放電飯煲裏和飯一隻齊水蒸.  再加碟白灼西蘭花和椰菜花, 就是好好餸的晚餐了.

梅菜蒸魚頭, 勁滑勁新鮮.  大大個魚頭連魚身才S$5.8, 平過香港價錢.  我和姐姐一人食一邊, 食完飽到上心口.

京汁牛仔骨, 金銀蒜粉皮蒸帶子 (食譜)

最近極少下廚, 但星期一細佬生日, 點都要親自落廚煮幾味.  從冰箱裏挖出一包急凍牛仔骨和連殼帶子, 都是個幾月前買的.第一次在新加坡買到牛仔骨, 在Mmmm見到時, 多開心, 即刻買一包回家.其實我從來未煮過牛仔骨, 印象中也好像沒食過幾次, 最記得是以前的韓國藉老闆請食bbq時食過.之前和妹妹傾電話時, 她說剛煮了牛仔骨, 於是立即問佢點整.  佢話係我爸爸以前的煮法, 好好味的.  爸爸以前的煮法?  點解我從未食過呢?  唔公平呀!  一定係在我離開香港後才煮的.這就是經我妹妹口述我亂亂做出來的, 汁裏面有茄汁和喼汁, 就叫做京汁牛仔骨吧.