棉花糖朱古力瑞士卷

媽咪明天就返香港了，所以今日請假陪媽咪行街食飯。

你們看這篇的時候，我應該會是吃着美味肉骨茶。

上個月朋友在facebook上載了一張朱古力瑞士卷的相，他說很特別，因為裹面有棉花糖。看樣子該不難做，就和朋友說會試整。

拖了成個月，終於買了包棉花糖來試。

因為棉花糖己經是甜的，所以今次蛋糕是減糖減油版，夾心用淡忌廉加黑朱古力打成。今次是即興整的，雪櫃裹沒預備冰來墊着打忌廉，還好朱古力遇上忌廉會乳化，朱古力忌廉才不至於太軟。 但瑞士卷用忌廉餡始終都是較難卷的， 所以卷得不夠圓。是否要用先用熱水浸刀才切呢？ 忌廉都黏到刀上，切得不美。

今朝早餐切了一片來配無糖黑咖啡，yummy！

朋友POST的好像是正面卷的，但我和家中焗爐溝通仍未夠好，可能爐火用小了點，表面放涼後會痴手，只好變成反卷。下次會再試。

印尼菜

星期日姐姐生日, 我們請她食印尼餐慶祝.

兩年前去過House of Sudanese一次, 那是我第一次食印尼菜, 覺得好好味.  那次是去Great World City 的分店, 上年姐姐生日又打算去食, 但原來己關店.

以為這餐廳已全線結業, 但最近Daddy發現Suntec City又開番一間, 所以一早講好要去試.

一坐低侍應就送來一碟像蝦片的炸物, 其實是用豆製成的, 帶微苦但很香口, 可以沾旁邊的辣醬.  那辣醬味道很似我們的辣豆辦醬.

辣椒螃蟹@Jumbo

每逢有海外客人, 我都會趁機去食辣椒螃蟹, 今次媽咪過來, 也不能例外.

經過上次East Coast No Signboard的經驗, 不敢再去No Signboard了.  Daddy提議去East Coast的Jumbo Seafood, 但星期五由西邊去東邊怕會塞車, 最後決定去附近的Jumbo@Dempsey.
Dempsey Hill以前是軍營來的, 現在軍營遷走後, 以前的樓房就變成餐廳或商店了.  附近都沒有高樓和住宅, 環境優美.

我們選了室外座位, 在月亮星光下用餐, 別具風味.  當日朝早落過雨, 所以坐室外仍然很涼快.

可能因為Dempsey Hill多外國人光顧, 枱面佈置都很骨子, 每個位都有一個裝了茶和一粒青柑的小碗給人食完蟹後洗手.

小朋友至愛 - sotong 油條, 即墨魚膠釀油炸鬼, 墨魚膠彈牙, 油炸鬼夠脆夠香口, 而且炸得一點都不油.

學校演出

上星期五大仔學校有演出, 我藉機請假陪媽咪.

今次演出叫"我愛華語", 表演的是小一和小二的學生, 主要目的是透過表演來激發小朋友對華語學習的興趣.

這裏的學生對中文都興趣不大, 據校長說有七成的學生都是來自English-speaking families(我囝囝是其中之一), 所以學習中文有一定難度.

囝囝是第二班上台表演的, 唱上學歌和跳健康歌(當年范曉萱的那首"左三圈, 右三圈...).  說起健康歌, 我以前一個台灣朋友告訢我, 台灣的學校的學生真的是唱着那首歌做早操的.

紅茶戚風， 蒸雞蛋布甸

昨晚飯後突然心血來潮想整紅茶戚風給媽咪試試, 快手沖紅茶磅材料, 不出一個小時戚風便出爐, 好香好香啊.

奶奶生日快樂

祝奶奶福如東海, 壽比南山, 最要緊身體健康.

星期日中午我們去Raffles City Shopping Centre 的老香港傳奇慶祝奶奶生日, 有我親手做的超濃郁classic chocolate gateau.

我媽咪當然和我們一齊去, Daddy叫奶奶坐近我媽咪, 我就夾在中間, 真正的左右逢源, 夾餸時夾俾媽咪先定奶奶先都是問題, 好彩呢種機會好少有啫. 

老巴刹

自從媽咪嚟咗後, 兩個囝囝就成日痴住婆婆, 尤其係大佬, 食飯要坐婆婆旁邊, 瞓又要同婆婆瞓, 沖涼要婆婆陪, 做功課都要婆婆坐喺側邊, 總之大佬一放學, 婆婆就好唔得閒.

星期六晚帶媽咪去老巴刹食沙爹.  媽咪其實對呢邊啲食物幾熟悉, 因為我祖母外家喺呢邊, 所以我未嚟之前媽咪都嚟過旅行.

一坐低, 就有人遞餐牌過嚟, 媽咪見到個印度餐牌上面有kumbing soup (羊肉湯)就即刻點.  佢好懷念以前喺Whitney Road天橋底啲大牌檔食過既kumbing soup, 可惜嗰個大牌檔已經無咗好多年, 我以前初嚟時都成日由宿舍偷偷去嗰度食宵夜.

噢, kumbing soup上桌時, 媽咪極失望.  水水的, 只有粒粒羊肉在湯裏.  她以前食的是很濃的, 還有隻羊腳靴的.  這一碗要S$5, 勁呃錢!

The Music of Andrew Lloyd Webber

媽咪到咗喇!  好開心呀!  佢第一次自己去香港機場, 自己check-in, 自己入閘上機, 所以我都有少少擔心.  不過佢好叻, 平安到達.

噚晚我整定咗隻醉雞俾媽咪試, 佢好鐘意食。飯後我哋仲同囝囝哋一齊去散步，好開心哩。

上星期六我和Daddy去了Marina Bay Sands睇The Music of Andrew Lloyd Webber, 啲飛好貴, 好彩Daddy公司買有優惠.


經公司訂仲可以攞到好位添, 睇下幾近個台.

吉士醬包, 叉燒包

明天媽咪就要來了, 非常期待啊!

原來不只我一個興奮, 大佬更緊張, 每日都睇日歷倒數, 然後食晚餐時向我報告"婆婆還有x天就到喇!"

應該是兩個星期前整的包包, 星期日返完教會才整的, 所以趕時間用直接法.  雪櫃裏剩三隻蛋黃(蛋白之前用來蒸蟹), 剛好用兩隻來做麵包, 一隻整吉士醬.

之前叫姐姐一次過焗多點叉燒, 有剩用來整包包又好, 炒蛋炒麵炒飯都可以. 用乾蔥碎生抽, 老抽, 蠔油, 糖, 水和粟粉煮成芡料, 混入切碎叉燒就可以用來做叉燒包饀.

貪得意在吉士醬包面上面唧上圖案和大佬名字, 希望他見到會食得更開胃.

契爺到訪(2)

6月25日, 星期六, 日間要湊囝囝哋去返興趣班, 要夜晚先可以再約契爺一家.

老巴刹(Lau Pa Sat)是來新加坡必到之地, 夜晚旁邊的其中一條路會唔俾車行, 跟住就擺晒枱凳俾人露天開餐, 旁邊就有成排沙爹檔用炭火烤沙爹, 風味絶佳. 

今次撇低兩個囝囝, 只有我和daddy兩個輕輕鬆鬆的去赴約.

雞肉, 羊肉和牛肉沙爹串, 全部都好好味, 一啲都唔韌, 用炭火烤的特別正.

契爺到訪(1)

終於的起心肝寫低囝囝契爺訪新之旅.

囝囝契爺係德國人, 我以前的同事兼好友.  我陀大佬時佢就返德國, 佢話好可惜睇唔到囝囝出世, 於是我話將囝囝俾佢做契仔. 佢呢個契爺真係好認真架, 每年大佬生日同聖誕節佢都會寄禮物過嚟俾佢.  佢結婚時, 我仲成家飛去飲添, 嗰時大佬才歲半.  所以大佬有成五年無見過佢, 但都仲會記得, 因為年年生日禮物寄到時, 我就拎契爺張相出嚟俾佢睇嘛.

今次朋友一家三口過來玩, 行色匆匆, 只留新三日, 之後去巴里島玩.

到埗第二日, 我請假陪佢哋去動物園玩.  佢哋好欣賞呢邊的動物園, 因為開放式, 動物唔係困係籠裏面.

去之前先食午餐, 約了在Holland Village 的 Crystal Jade Kitchen食.  Fritz (朋友囝囝)好鐘意食麵, 食完碟油雞麵仲叫多碟齋麵.

失敗版冰糉

端午節前在Carol老師那裏到黑糖冰糉，晶瑩剔透又QQ的樣子立刻把我吸引住，心想一定要試做。

但端午節前實在太忙了，沒時間做。端午節後又找不到糉葉，也就做不成。

上個星期上聲樂課時，在老師家裏看到一些她用剩的糉葉，喜出望外。老師看我這麽高興，就把全部送我。

高高興興的把糉葉捧回家，就算姐姐星期日放假，我也等不了，非要把這冰糉做了才心息。

最費力的步驟就是炒綠豆饀，要不停攪拌，手好酸耶!

外皮要用蕃薯粉和太白粉。家裏剛好有蕃薯粉，但沒太白粉。我只做食譜一半份量，只需25克太白粉，沒理由為了這一點點去買一包太白粉回來吧。反正平常勾芡也是可以用粟粉代替太白粉，就換成粟粉吧。

綠豆饀搓成圓球型，好像鹹蛋黃。一切準備就緒， 可以包糉子了。

久違的福建炒飯

今日姐姐放假，所以我好忙好忙呀。

本來姐姐放假，我就唔應該响廚房整咁多嘢， 但一入廚房就手痕，整完一樣又一樣。

先炒了個綠豆饀，用來整冰糉。 原來炒綠豆饀要好有耐性，慢火慢慢炒，炒到手軟。

跟住見到包洛神花乾，買咗好耐都未用，就煲煲洛神花蘋果水，想用來整啫喱，不過最後攰得濟，入樽放雪櫃當凍飲算了。

跟住到整福建炒飯做晚餐，對上次整福建炒飯已經成年幾之前。 炒完綠豆饀到炒蛋飯，手臂好攰。

今日買唔到芥蘭頭，就換上翠肉瓜。材料還有冬菇，瑤柱，帶子，蝦和雞肉。最後只用魚露調味都已經超鮮味了。

焗豬扒飯

今日有兩開心事.

第一, 我媽咪成功幫我從香港Zara買到一條我睇中好耐的裙.  同一條裙在呢邊賣香港幾乎兩倍價錢, 就算減價都仲貴過香港正價.  香港Zara同呢邊同日開始減價, 我即刻叫媽咪去太古廣場幫我買, 上星期去無我size, 昨日媽咪唔死心再去幫我揾居然到幫我買咗, 開心死我喇!  媽咪太好了.   仲有媽咪下個星期就過嚟探我喇, 我又有機會痴住佢嘞, 非常期待哩.

第二, 今日工作上完成了一個令我緊張了幾日亦花了幾個月去準備的重要任務, 計劃順利通過, 感謝主, 值得今日獎勵自己准時放工 (前幾日都準備到好遲先走).

講完開心事, 講番之前姐姐煮的焗豬扒飯.

我諗緊要唔要開多個"姐姐靚餸"嚟記錄姐姐啲作品.

之前Daddy順口話要食焗豬扒飯, 姐姐某日就真的煮了.  姐姐自己係唔食焗豬扒飯的, 佢話好怕啲炒飯撈埋啲茄汁一pat pat咁喎.  所以佢只係煮俾我哋食, 自己食白飯配炸豬扒.

咁啱有mozzarella, 就加埋上面焗.  細佬鐘意食芝士, 大佬唔食, 所以一兜有芝士, 另一兜無.

姐姐炸豬扒好好味, 個個食到lam lam 脷.

姐姐專為Daddy而煮的焗豬扒飯, Daddy當晚居然臨時話唔返嚟食, 唯有留返佢嗰份俾佢第二晚才食. 

親子星期六早晨

2011.06.18

6 月18日, 星期六, 所有補習中心和興趣班都放假.  平時大佬星期六朝早要返珠算班, 下晝要學琴, 所以通常都不可能帶囝囝們出街.  難得一日放假, 朝早就帶囝囝們到West Coast Plaza 食早餐, 食完順便可以去街市買餸.

當日朝早下過雨, 所以很涼快, 坐在新旺茶餐廳的室外座位, alfresco dining, 夠寫意.

細佬要食麵, 叫了一碟米粉.  看餐牌上的相好似好吸引, 有蛋有叉燒.  實物原來如此.  叉燒是染色叉燒，完全沒烤過的味道，只有一朕化學品味。 以為雞蛋上的是辣椒醬，居然是化學味的叉燒醬。 炒米粉就只有米粉， 連芽菜都欠奉

大佬要了一個兒童餐fish and chips, 細細片的炸魚, 味道如何不得而知, 因我連薯條都沒試, 但大佬食得很滋味.  只要是炸過的, 囝囝們都覺好味.

Daddy想試試厚西多士加花生醬, 多士真的很厚, 未吃前忘了影相, 下面是已切成四份後的其中兩份. 

本來是我和Daddy每人兩份, 不過我只吃了一口, 原因請看下圖.  當刀切到底時, 發現下層完全給油滲透, 實在太嚇人了, 按下去有很多油擠出來, 好恐佈呀!  我吃了一口上層切出來的就不敢再吃了. 

另外再叫了蘿蔔糕, 一碟三件, 味道ok, 但大部份是粉沒有料.

這是最正常的一樣 - 糯米雞.

已不是第一次光顧新旺, 但每次都失望而回, 這次以後, 再沒下次. 

食完早餐後, 把Daddy和囝囝們留在新旺繼續坐, 我自己到對面街市買餸. 

買完餸再在West Coast Plaza 兜一圈, 看到有沙雕展覽, 囝囝們立刻企好影相.  細佬次次都會企定定擺甫士.

湯種新體驗

見AA常讚湯種包有幾好食幾鬆軟, 當然要跟風試試.

從Carol老師那裏找到牛奶湯種食譜.

第一次做就照足食譜份量, 結果出來有300克湯種, 但主麵糰只需用100克, 其餘200克只好存雪櫃.

原來湯種包做法算幾簡單, 只比直接法多一點點工夫, 但又比中種省時.

右邊肉鬆包, 左邊奇形怪狀的是chocholate chip包.

感人的video

今期教會主日學主題是家庭, 昨日導師播了這個video.

這是新加坡政府拍的宣傳短片, 很久以前在電視上看過, 當時只覺得拍得很好, 很感人.

但昨天看時, 我想起爸爸, 感動到要哭, 真的很想爸爸哩!

美春日本拉麵

上星期工作繁忙, 大部份時間都不在公司, 又要應酬, 壓力大, 回到家只想瞓, 所以就沒有update blog.

應酬對我來講是件苦差, 比在office裏對着電腦埋頭苦幹十幾個鐘更辛苦. 

前個星期德國朋友到訪的相仍未有空整理, 遲點才寫.

今日先寫拉麵.

一直嚮往在日本街頭食拉麵, 可惜上次去日本沒機會. 

6月17日放工後和Daddy去Robertson Quay附近買床襑, 買完後Daddy帶我到這間叫美春的日本拉麵店.  Daddy之前來過幾次, 是他的日本同事介紹的, 說味道算正宗. Hanrik提醒這裏賣的是北海道風味拉麵.

餐廳格局和在電視上見到的日本拉麵店一樣, 我落order時還滿有希望哩.

我叫了一碗醬油清湯拉麵, 拉麵是彈牙的, 配料亦不錯, 但湯底實在太鹹了.