Thursday 6 January 2011

是日早餐 - 腸仔包, 墨西哥包

開學日哥哥帶錢返學只買凍飲, 冇買嘢食, 所以當日下晝我就快手整包包俾佢帶返學校食, 然後扣他的零用錢.

整了腸仔包和墨西哥包, 腸仔包俾佢帶返學校, 墨西哥包就俾兩個囝囝做下午茶, 因為墨西哥包要焗番熱先會脆.

一口氣做了二十個包包, 連我自己的早餐都有着落了.

公司的pantry裏有toaster oven, 所以帶埋錫紙嚟焗熱啲包包.  食自製包包感覺很幸福哩, 比樓下canteen賣的好吃幾百倍.



Wednesday 5 January 2011

開學了, 上學去

開學了, 上學去...

記得小學一年級中文書第一篇開頭就係呢兩句, 下面係乜就唔記得喇.

噚日係呢邊的開學日(新加坡幼稚園至預科都係一月開始新學年的), 兩個囝囝都返新學校.  哥哥開始小學生涯, 細佬返幼稚園Nursery 1, 所以我和Daddy請假一日嚟倍太子們開學.  Daddy陪哥哥, 我陪細佬.

呢邊啲小學係倒"塔"咁早返學的, 七點半開始, 咁哥哥就要六點三十五分落樓下等校車. 一早六點就剷醒哥哥, 天都未光就要佢食早餐, 因為唔食早餐的話, 放學返到嚟成兩點幾會餓扁.

第一日返學, 我和Daddy一齊送佢上校車,  跟住我就開車送Daddy去間小學度"陪"哥哥返學嘞 (校車唔俾家長一齊上車).  其實所謂"陪"只係叫啲家長留喺一個指定位置離遠咁望啲細路咋, 所以陪唔陪都分別唔大.  叫咗Daddy响學校幇佢影番啲相, 但Daddy話離太遠影唔到.


Tuesday 4 January 2011

2010 冬至

嘻嘻, 你哋冇睇咗, 在2011年的第四日我要寫番上年冬至晚餐. 

年尾太多節目, 呢餐要排到今日先出到. 

冇咩特別菜式, 寫低主要係要表揚吓我家的能幹姐姐.

冬至前一晚十點先醒起第二日係冬至, 雖則响香港時已經和香港屋企人做節, 不過始終冬至正日唔整番餐會覺得有些少久缼.

朝早出門口前同姐姐講今日冬至, 叫佢自己求其煮幾味.  跟住下晝佢打嚟公司話會煮豉油雞, 又話煮蜀米湯.

放工返到去, 姐姐已經煮好晒, 仲好豐富添.

清蒸黃花魚



Monday 3 January 2011

2010 最後一cake

每年聖誕節公司的幾個年輕同事都會夾份送聖誕禮物給我,上年送了薰衣草茶包, 今年就送薰衣草伯爵茶包。
但我每年都冇預備任何禮物給他們,很不好意思。所以決定今年用他們送的茶包來做蛋糕送給他們。 趕在除夕送給他們,這薰衣草白朱古力伯爵茶慕絲蛋糕就成了今年的最後一cake。

這蛋糕是結合了日嚐甜品一書裹的白朱古力薰衣草慕絲蛋糕和Vanlily的伯爵茶檸檬慕絲蛋糕而成。下層是杏仁蛋糕,因為我懶得特地去買消化餅做餅底。中間就用薰衣草伯爵茶包參照Vanlily的食譜做的慕絲。外層用了純薰衣草茶包加白朱古力做的白朱古力薰衣草慕絲。 今次成品好滿意,比起聖誕節整的好多了,不用再打馬令嚟遮醜,慕絲亦都好滑。


Related Posts Plugin for WordPress, Blogger...