Daddy 生日 2010

祝大家中秋節快樂!

今日中秋節, 一早起身已經覺得興奮, 因為由細到大都好鐘意過中秋. 細個外婆會買用膠籃裝住的豬仔餅給我們, 跟住全家會去球場玩燈籠食月餅生果, 好似去野餐咁, 好開心.  陣間完晚飯就帶囝囝去樓下玩燈籠食月餅, 好期待呀.

先講番噚日Daddy的生日慶祝, 之前一晚焗了日式芝士蛋糕, 上次佢話我整個心型俾同事都唔整俾佢, 今次就整個大大心型補數.  草草作裝飾就算, 因為成個weekend都病, 冇機會去作好準備, 不過睇在係Daddy份上, 用上好矜貴由香港買番嚟的朱古力生日牌.

生日晚餐的材料是前一晚臨急臨忙在Cold Storage買的, 買了兩塊Rib eye, 一塊striploin, 仲有雞脾.

牛扒用來整steak au poivre, 淋上紅酒汁, 配new potatoes和四季豆.  Rib eye 又淋又好味, 只略略撒上少少鹽已經夠味.  New potatoes 烚熟加olive oil, parsley 和鹽拌勻, 甜又淋.

囝囝們比較鐘意食雞, 大仔唔食唔係炸過的薯仔, 所以另外整燒雞脾和炒意大利粉, 簡簡單單aglio e olio 加鮮蘑菇和煙肉.  雞脾係姐姐醃的, 佢居然明知食西餐都用鹽焗雞粉嚟醃, 係好味既不過有啲怪啫.

飯後切蛋糕, 永遠吹臘蠋都係小朋友最興奮的一刻.

其實本來個蛋糕係唔諗住整裝飾的, 焗好時好靚, 第一次面層冇裂開, 可以搽層鏡面就得.

焗完蛋糕已經夜晚十一點, 啱啱病完好眼瞓, 蛋糕未完全攤凍就甩模, 結果... 嗚嗚嗚....

所以唯有用士多啤梨嚟遮住, 就變咗上面第一幅相裏的蛋糕.

細佬最鐘意食呢款蛋糕.