粉絲蝦煲

八年前泰國友人帶我到曼谷Chao Praya River旁的一間餐廳食泰菜, 其中一道粉絲蝦煲是我食過最美味的, 多年來都找不回那樣的粉絲蝦煲.

偶而想重温那味道, 自己動手煮, 但味道仍差甚遠.

這是前個星期煮的, 雪柜裏只有細蝦, 如果用大一點的會比較好.  不過, 對我來說主角其實是粉絲, 蝦只是配角. 

做法:


1. 蝦先洗淨, 抹乾水, 撲上少許生粉, 下油鑊煎至半熟 (大蝦可以煎熟一點, 細蝦煎至表面略轉色即可), 盛起備用.

2. 檸檬葉撕成半, 香茅用刀略拍再切成段, 薑切片, 乾蔥和蒜頭切碎. 粉絲先浸軟, 隔水.

3. 預備汁料: 水, 魚露, 生抽, 老抽, 糖, 雞粉, 麻油, 胡椒粉.  沒固定份量, 邊加邊試味.

4. 油鑊爆香薑, 乾蔥, 蒜頭, 香茅, 最後下檸檬葉, 倒入汁料, 滾後下粉絲, 將蝦鋪於面, 冚蓋焗兩分鐘左右.

粉絲好吸水, 所以可以放多些少水, 就算煮完後水多都唔需要打芡, 放一陣水就會給絲吸收晒.